Majukumu mawili yaliyopo tayari
Unapojisajili, mfumo unatengeneza majukumu mawili:
- Admin: anaweza kila kitu. Hili ndilo jukumu la mmiliki.
- Cashier: anaweza kuuza kwenye POS, kuhariri na kufuta mauzo ya POS, kuona na kufunga rejista, kwenye matawi yote. Ruhusa ya kutoa punguzo haipo mwanzoni.
Rekebisha ruhusa za muuzaji
Kama muuzaji hawezi kuchapisha risiti, fungua jukumu lake na uwashe ruhusa ya Chapisha Ankara. Akaunti za zamani zinaweza kuhitaji hili.
- 1. Fungua Usimamizi wa Watumiaji > Majukumu.
- 2. Gusa Hariri kwenye Cashier.
- 3. Kwenye sehemu ya POS, weka alama kwenye Chapisha Ankara.
- 4. Ikiwa muuzaji anatakiwa kutoa punguzo, weka pia alama kwenye Hariri punguzo la bidhaa kwenye skrini ya POS.
- 5. Hifadhi.
Tengeneza jukumu lako
- 1. Kwenye Majukumu, gusa Ongeza.
- 2. Andika Jina la Jukumu, kwa mfano Msimamizi wa Tawi.
- 3. Kwenye Ruhusa, weka alama kwenye anachoweza kufanya. Chagua vyote inatia alama kwa kundi zima.
- 4. Gusa Hifadhi.
Ongeza mtumiaji
Idadi ya watumiaji inategemea kifurushi chako; ukifikia kikomo mfumo utakuambia.
- 1. Fungua Usimamizi wa Watumiaji > Watumiaji, gusa Ongeza.
- 2. Andika Jina la Kwanza na Barua Pepe. Barua pepe ni lazima.
- 3. Acha alama kwenye Inatumika?.
- 4. Kwenye Majukumu na Ruhusa, acha alama kwenye Ruhusu kuingia.
- 5. Jina la mtumiaji ukiliacha wazi litatengenezwa lenyewe. Ni bora ukaliandika.
- 6. Weka Nywila na Thibitisha Nywila.
- 7. Chagua Jukumu.
- 8. Kwenye Fikia maeneo, chagua Maeneo Yote au tawi analofanyia kazi tu.
- 9. Ukitaka kikomo cha punguzo, jaza Asilimia ya juu ya punguzo la mauzo.
- 10. Gusa Hifadhi, kisha mpe jina la mtumiaji na nywila.
Mfanyakazi akiacha kazi
Fungua Watumiaji, hariri akaunti yake na uondoe alama kwenye Inatumika?. Hawezi kuingia tena, na kumbukumbu za mauzo yake zinabaki.
Baada ya hapo muuzaji anaweza kufungua rejista na kuanza kuuza.