DukaPOS

Jinsi ya kutumia

Jinsi ya kufungua akaunti ya DukaPOS na kuingia

DukaPOS inafunguka kwenye kivinjari cha simu, tableti au kompyuta. Huhitaji kusakinisha chochote, ila unahitaji intaneti. Hapa utaona jinsi ya kufungua akaunti na kuingia mara ya kwanza.

Imesasishwa 8 Novemba 2026

Andaa taarifa hizi kwanza

Usajili una hatua mbili tu. Kabla ya kuanza, kuwa na jina la biashara, jiji, sehemu duka lilipo, barua pepe yako na jina la mtumiaji utakalotumia kuingia.

Hatua ya 1: Biashara

Fungua ukurasa wa usajili kwenye tovuti ya DukaPOS. Ukiwa kwenye ukurasa wa kuingia, gusa Jisajili Sasa.

  • 1. Andika Jina la Biashara.
  • 2. Andika Namba ya simu ya biashara. Hii si lazima.
  • 3. Kagua Nchi. Tanzania imeshachaguliwa.
  • 4. Andika Jiji na Alama ya Eneo, kwa mfano jina la mtaa au jengo.
  • 5. Gusa Endelea.

Hatua ya 2: Mmiliki

Sehemu zenye nyota ni lazima. Kiambishi na Jina la Mwisho si lazima.

  • 1. Andika Jina la Kwanza.
  • 2. Chagua Jina la Mtumiaji lenye herufi 4 au zaidi. Ndilo utakalotumia kuingia.
  • 3. Andika Barua Pepe.
  • 4. Weka Nywila yenye herufi 5 au zaidi, kisha irudie kwenye Thibitisha Nywila.
  • 5. Ikiwa kisanduku cha masharti kinaonekana, kiwekee alama.
  • 6. Gusa Jisajili.

Baada ya kujisajili

Mfumo unakuingiza moja kwa moja na kukufikisha Nyumbani. Akaunti inaanza na kifurushi cha mwanzo. Kama ulichagua kifurushi cha kulipia kwenye ukurasa wa bei, ukurasa wa malipo unafuata.

Mfumo umeshaweka Shilingi ya Tanzania kama sarafu, saa za Dar es Salaam, na tawi lako la kwanza kwa jina la biashara. Unaweza kubadilisha haya kwenye mipangilio ya biashara. Hatua inayofuata ni kuongeza bidhaa.

Kuingia siku nyingine

  • 1. Fungua ukurasa wa kuingia. Lugha unaweza kuibadilisha juu ya ukurasa.
  • 2. Andika Jina la Mtumiaji na Nywila.
  • 3. Gusa Login. Ukiwa kwenye kifaa chako mwenyewe unaweza kuweka alama kwenye Nikumbuke.
  • 4. Ukimaliza kazi, gusa jina lako juu kulia, kisha Toka. Fanya hivi hasa kwenye kifaa cha watu wengi.

Ukikwama, piga au tuma WhatsApp 0760550617, au andika [email protected].

Maswali

Maswali ambayo wenye maduka hutuuliza

Naweza kujisajili kwa simu?

Ndiyo. Fungua ukurasa wa usajili kwenye kivinjari cha simu, hatua ni zile zile. Unahitaji intaneti.

Nimesahau nywila, nifanyeje?

Kwenye ukurasa wa kuingia gusa Umesahau Nywila Yako? na ufuate maelekezo yatakayotumwa kwenye barua pepe yako. Barua pepe isipofika, tupigie 0760550617.

Mfumo unasema jina la mtumiaji limeshatumika. Nifanyeje?

Kila jina la mtumiaji ni la mtu mmoja tu kwenye DukaPOS. Chagua jingine, kwa mfano ongeza jina la duka lako.

DukaPOS

Fungua duka lako kwenye DukaPOS leo

Fungua akaunti, ongeza bidhaa zako na ufanye mauzo yako ya kwanza leo.